YouTube'da kontent yaratib daromad topyapsizmi? Avvalo — tabriklaymiz, mehnatingizga baraka. Lekin bir lahza to'xtab, o'zingizga shu savolni bering: bu pul aslida qanday reklamalar ortidan kelyapti?
Gap shundaki, YouTube videolaringiz orasiga reklama joylashtirgani uchun sizga pul to'laydi. Bu reklamalarni esa siz emas, balki Google AdSense tizimi avtomatik tanlaydi. Ya'ni tomoshabiningiz video ko'rayotganda chiqadigan reklama qaysi yo'nalishda bo'lishini siz nazorat qilmasangiz, tizim o'zi hal qiladi.
Nega bu muhim?
Tasavvur qiling — kanalingiz bolalar yoki oilaviy auditoriyaga mo'ljallangan, lekin video orasida qimor, tanishuv saytlari yoki "tez boyib keting" turidagi shubhali reklamalar chiqyapti. Bu nafaqat obro'yingizga, balki tomoshabin ishonchiga ham putur yetkazadi. Ko'pchilik bloger buni umuman tekshirib ko'rmaydi va daromadning bir qismi o'ziga yoqmaydigan yo'nalishlardan kelayotganini bilmaydi ham.
Yaxshi xabar shundaki, buni o'zingiz boshqarishingiz mumkin. AdSense sizga yoqmagan reklama toifalarini bir necha bosqichda butunlay blok qilib qo'yish imkonini beradi.
Yoqtirmagan reklamalarni qanday blok qilish kerak?
Google AdSense hisobingizga kiring va quyidagi yo'l bo'yicha harakatlaning:
Shu bo'limda "Standart toifalar" ro'yxatini ko'rasiz. Har bir toifa yonida tugmacha bor: uni o'chirsangiz — o'sha yo'nalishdagi reklamalar videolaringiz orasida ko'rsatilmaydi.
Qaysi toifalarni blok qilish mumkin?
AdSense'dagi nozik (sensitive) toifalar orasida quyidagilar bor — qaysi biri kanalingiz qadriyatlariga to'g'ri kelmasa, o'chirib qo'yishingiz mumkin:
- Astrologiya va ezoterik
- Kosmetik protseduralar va tanani o'zgartirish
- Tanishuv (Dating)
- Giyohvand moddalar va qo'shimchalar
- "Tez boyib keting" turidagi takliflar
- Siyosat
- Jinsiy aloqaga havolalar va reproduktiv salomatlik
- Din
- Sensatsionizm (chayqovchi mazmun)
- Ijtimoiy kazino o'yinlari va qimor
- Og'irlikni yo'qotish
Bir narsani yodda tuting
Reklama toifalarini blok qilish ba'zan umumiy daromadga biroz ta'sir qilishi mumkin — chunki tanlovdagi reklama beruvchilar soni kamayadi. Lekin uzoq muddatda kanalingiz obro'si va auditoriyangizning ishonchi har qanday qisqa muddatli daromaddan qimmatroq turadi. Shuning uchun toifalarni o'ylab, kanalingiz mavzusiga qarab tanlang.
Bir necha daqiqalik sozlama — videolaringiz orasida nima ko'rsatilishini siz hal qilasiz, tizim emas. O'zingizni va auditoriyangizni hurmat qiling.