Yangi o'zbek alifbosiga o'girish
Joriy lotin yozuvidagi matnni yangi alifboga o'giring: sh → ş, ch → ç, o' → ö, g' → ğ. Teskari yo'nalish va kirill matn ham bor. Hammasi brauzeringizda, matn hech qayerga yuborilmaydi.
Yangi alifbo qoidalari
Yangi alifboda 28 harf va 1 tutuq belgisi (ʼ) bor. Oʻ, Gʻ, Sh, Ch o'rniga bitta belgili Ö, Ğ, Ş, Ç keladi. Ng alohida harf sifatida alifbodan chiqariladi, lekin yozilishi o'zgarmaydi.
| Joriy | Yangi | Misol |
|---|---|---|
| Sh sh | Ş ş | shahar → şahar |
| Ch ch | Ç ç | choy → çoy |
| Oʻ oʻ | Ö ö | oʻgʻil → öğil |
| Gʻ gʻ | Ğ ğ | bogʻcha → boğça |
| sʼh | sh | Isʼhoq → Ishoq |
| Ng ng | n + g | tong → tong |
| tutuq ʼ | ʼ | maʼno → maʼno |
- Katta harflar so'zga qarab o'giriladi: Shahar → Şahar, SHAHAR → ŞAHAR, Oʻzbekiston → Özbekiston.
- Tutuq bilan ajratilgan sʼh (Isʼhoq, asʼhob) yangi alifboda oddiy sh bo'ladi: sh endi harf birikmasi emas, Ş bilan adashmaydi.
- Boshqa tutuq belgilari (maʼno, masʼul, eʼlon) o'zgarmaydi.
Ko'p so'raladigan savollar
Yangi alifbo qonuni kuchga kirdimi?
Qonunning hozirgi holati sahifa boshidagi "Qonun holati" blokida yozilgan. Umumiy tartib shunday: qonun Prezident imzolab, rasman e'lon qilingandan keyin kuchga kiradi. Ungacha hujjatlarda joriy alifbo ishlatiladi.
Yangi alifbo qachondan majburiy bo'ladi?
Aniq muddatlar qonun rasman e'lon qilingach ma'lum bo'ladi. Rasmiy manbalarda maktab darsliklari 2027-2031 yillarda bosqichma-bosqich yangi alifboga o'tkazilishi aytilgan.
Word yoki Excel faylning formati saqlanadimi?
Ha. Matn paragraf bo'yicha o'giriladi, shrift, rang, jadval va slaydlar o'zgarmaydi. Word'da asosiy matn, kolontitullar va sahifa ostidagi izohlar, Excel'da katakchalar matni, PowerPoint'da slaydlar va ma'ruzachi izohlari o'giriladi. Rasm yoki diagramma ichidagi yozuvlar o'zgarmaydi. Fayl serverga yuborilmaydi.
Ng harfi nima bo'ladi?
Ng alifbodan alohida harf sifatida chiqariladi, lekin so'zlarning yozilishi o'zgarmaydi: tong, yangi, ming avvalgidek n va g bilan yoziladi. Shuning uchun o'giruvchi ng ga tegmaydi.
Yangi alifbodagi matnni joriy alifboga qaytarsa bo'ladimi?
Ha, "Yangi → Joriy" rejimini tanlang: ş → sh, ç → ch, ö → oʻ, ğ → gʻ. Yangi matndagi oddiy s va h ketma-ketligi (Ishoq) joriy alifboda s'h ko'rinishida yoziladi (Is'hoq), aks holda sh harfi bilan adashadi. Oʻ va Gʻ uchun rasmiy ʻ yoki klaviaturadagi oddiy ' belgisini tanlash mumkin.
Kirill yozuvidagi matnni yangi alifboga o'girsa bo'ladimi?
Ha, "Kirill → Yangi" rejimi kirill matnni avval Lotin ↔ Kiril o'giruvchidagi qoidalar (е, ё, ю, я, ц, ъ va boshqalar) bo'yicha joriy lotinga, so'ng yangi alifboga o'tkazadi: шаҳар → şahar, Исҳоқ → Ishoq.