Oson Studio haqida

Oson Studio 2026-yilda oddiy bir fikrdan boshlangan: o'rganish ham, kundalik raqamli ishlar ham hamma uchun tekin va ortiqcha ovoragarchiliksiz bo'lishi kerak. Bugun bu yerda sun'iy intellekt, Excel, buxgalteriya va veb dasturlash bo'yicha kurslar, IQ test, klaviaturada yozuv mashqlari, shuningdek PDF, rasm va hujjat bilan ishlaydigan o'nlab vosita bir joyga to'plangan.

Nega bu sayt bor

Foydali xizmatlarning ko'pi chet tilida, pullik yoki «avval ro'yxatdan o'ting» degan to'siq bilan keladi. Men shu ishlarni o'zbek tilida, tekinga va hech qanday shartsiz qilishni istadim. Saytga kirasiz-u, darhol ishlaysiz. Obuna yo'q, reklama yo'q, hisob ochish yo'q.

Bu yerda nima bor

Ikkita katta yo'nalish bor. Biri, yo'nalishni tanlab noldan o'rganadigan kurslar; ikkinchisi, bir ishni tez bitiradigan vositalar.

• Kurslar, sertifikat bilan, interaktiv: Prompt Engineering, AI agentlar, AI bilan rasm va video, Pro Excel, Buxgalteriya (NSBU), raqamli xavfsizlik, Loop Engineering, HTML va CSS, dasturlashga kirish.
• IQ test, mantiq, matematika, so'z va tenglama savollari, oxirida natijaning tahlili bilan.
• Tezyoz, klaviaturada tez yozishni o'rgatadigan darslar, tezlik testi va bir nechta yozuv o'yini.
• Dasturlash, CSS Battle, Flexbox va Grid o'yinlari, ko'p til uchun onlayn kod editor.
• Hujjatlar, PDF birlashtirish va ajratish, PDF bilan JPG o'girish, aylantirish, siqish, Lotin va Kirill.
• Boshqa vositalar, parol generatori, QR kod, ekran yozish, fon olib tashlash, onlayn doska, vaqtinchalik pochta.

Fayllaringiz o'zingizda qoladi

Vositalarning aksariyati serverga umuman ulanmaydi, hammasi to'g'ridan-to'g'ri brauzeringizda bajariladi. Ya'ni rasm, video yoki PDF fayllaringiz hech qayerga ketmaydi, ular faqat sizning qurilmangizda qayta ishlanadi. Buning yana bir foydasi bor: ish deyarli shu zahoti tugaydi, chunki fayl internetga chiqib, qaytib kelishini kutib o'tirmaysiz.

Faqat sanoqli vosita, masalan AI rasm sifati yoki vaqtinchalik pochta, tashqi xizmatdan foydalanadi. Buni Maxfiylik siyosatida yashirmasdan yozib qo'yganman.

Rostdan tekinmi

Ha, boshdan-oyoq tekin. To'lov, obuna yoki ro'yxatdan o'tish talab qilinmaydi, sahifalarda reklama ham ko'rmaysiz. Agar sayt asqotgan bo'lsa va davom ettirishimga hissa qo'shishni istasangiz, Tirikchilik yoki Rahmat orqali qo'llab-quvvatlashingiz mumkin. Lekin bu butunlay ixtiyoriy.

Orqasida kim turibdi

Loyihani men, Eldor Ergashov, mustaqil dasturchi sifatida boshladim va o'zim olib boraman. Ortida katta jamoa yo'q, shuning uchun har bir kurs va har bir vosita qo'lda, birma-bir yasaladi hamda asta-sekin yaxshilanib boradi.

Bog'lanish

Taklif, savol yoki xato haqida xabar bo'lsa, Aloqa sahifasiga o'ting; eng tez javob Telegramda keladi: @eldoroga. Ishni boshlashdan avval Foydalanish shartlari, Maxfiylik siyosati va Cookie siyosatiga ham ko'z yugurtirib qo'ysangiz yaxshi bo'ladi.