Foydalanish shartlari

Bu qoidalar men bilan siz o'rtasidagi oddiy kelishuv. Ular quruq huquqiy til bo'lib tuyulmasin uchun soddaroq yozishga urindim. Saytdan foydalansangiz, quyidagilarga rozi bo'lgan hisoblanasiz. Agar birontasiga ko'nglingiz to'lmasa, saytni ishlatmang, hammasi shu.

1. Sayt nima taklif qiladi

Oson Studio, kundalik raqamli ishlar va o'rganish uchun bepul vositalar to'plami. Bu yerda interaktiv kurslar va sertifikat, IQ test, hujjat vositalari (PDF, Lotin-Kirill), klaviatura mashqlari va boshqa yordamchi vositalar (QR, parol, ekran yozish, doska, pul boshqaruvi) bor. Ro'yxatdan o'tish kerak emas.

2. Nima mumkin

• Saytni shaxsiy ham, ishing uchun ham bemalol, tekinga ishlatish.
• Yaratgan hujjatlaringizni (PDF, CSV) o'z ishingizda ishlatish.
• Saytga havola ulashish va boshqalarga tavsiya qilish.

3. Nima mumkin emas

Ro'yxat uzun emas, lekin muhim:

• Saytni buzish, server, kod yoki tarmoqga ataylab ziyon, DDoS yoki saytni og'ir yuklash maqsadida avtomat so'rovlar (bot, scraping).
• Xavfsizlikka tegishni sinash, hack urinishlari yoki zaif joylardan ruxsatsiz foydalanish. Zaiflik topsangiz, buni suiiste'mol qilish o'rniga menga ayting, minnatdor bo'laman.
• Mualliflik huquqini buzish, sayt kontentini ruxsatsiz ko'chirish, qayta sotish yoki o'ziniki deb ko'rsatish.
• Qonunga zid ishlar, saytdan O'zbekiston qonunlariga zid faoliyat uchun foydalanish.
• Boshqalarga zarar, masalan, biror vositani kimgadir ziyon yetkazish niyatida ishlatish.

4. Kafolat va mas'uliyat

Sayt va vositalar «qanday bo'lsa, shunday» (as-is) taqdim etiladi. Ya'ni ularni imkon boricha to'g'ri qilishga harakat qilaman, lekin hech qanday qat'iy kafolat bera olmayman. Hisoblagichlar va vositalar (masalan pul boshqaruvi) faqat yordam berish uchun, ular professional yoki yuridik maslahat o'rnini bosmaydi.

Shunga ko'ra, quyidagilar uchun javobgarlik olmayman:

• Sayt vaqtincha ishlamay qolsa yoki sekinlashsa.
• Sayt natijasiga tayanib qilgan qarorlaringiz oqibati.
• Texnik nosozlik yoki brauzer keshini tozalash tufayli ma'lumot yo'qolsa.
• Tashqi xizmatlar (Google, YouTube, mail.tm) qanday ishlashi yoki sifati.

5. Kim nimaga egalik qiladi

Sayt dizayni, logotip, kod va o'ziga xos kontent (matnlar, ikonalar) menga tegishli. Ularni ruxsatsiz ko'chirish, qayta tarqatish yoki tijorat maqsadida ishlatish mumkin emas. Saytda ishlatilgan ochiq manbali kutubxonalar (jsPDF va boshqalar) esa o'z mualliflarining litsenziyasi ostida turadi.

Siz saytda yaratgan hujjatlar (PDF, CSV) esa to'liq sizniki. Men ularni ko'rmayman, saqlamayman va hech kimga bermayman.

6. O'zgarishlar

Bu shartlarni vaqti-vaqti bilan yangilashim mumkin. Muhim o'zgarish bo'lsa, sayt yoki email orqali bildiraman. Yangilashdan keyin saytni ishlatishda davom etsangiz, yangi shartlarga rozi bo'lgan bo'lasiz.

7. Kirishni cheklash

Saytda hisob ochish shart emas. Lekin yuqoridagi qoidalarni qo'pol buzsangiz, IP manzilingizni saytga kirishdan cheklashga haqliman.

8. Aloqa

Shartlar bo'yicha savol bo'lsa: email osonstudiosupport@gmail.com, Telegram @eldoroga yoki Aloqa sahifasi.

Shu bilan birga Maxfiylik siyosati va Cookie siyosatini ham ko'rib chiqsangiz yaxshi bo'ladi.